ައަލައް ދިވެހިރައްޔިތެއްކަން އަންގައިދޭ ކާޑު ހެދުން

:ޝަރުތު

• ދިވެހިރާއްޖޭގެ ގެއެއްގައި ރަޖިސްޓްރީ ވެފައިވާ މީހެއް ކަމުގައިވުން.
• 18 އަހަރުންމަތީ މީހުން އަލަށް ދިވެހިރައްޔިތެއްކަން އަންގައިދޭ ކާޑު ހަދާކަމުގައި ވާނަމަ ޑީ.އެން.އާރް އަށް ދިވެހިރައްޔިތެއްކަން އަންގައިދޭ ކާޑުއޮތް ދެ ހެކިވެރިން ގެންނަން ވާނެއެވެ.
• ސްކޫލްތަކުގައި ރަޖިސްޓްރީ ކޮށްފައިވާ ކިޔަވާކުދިންނާއި 18 އަހަރުން ދަށުގެ ކުދިން ކާޑު ހަދާއިރު ބެލެނިވެރިއެއް (ދިވެހިރައްޔިތެއްކަން އަންގައިދޭ ކާޑާއިއެކު) ހާޒިރުވާން ވާނެއެވެ.

:ަޢަމަލުކުރަންވީ ގޮތް

:މާލޭގައިނަމަ

• މައުލޫމާތުކައުންޓަރުން ނަންބަރެއް ނެގުމަށްފަހު ފޯމްބަލައިގަންނަ ކައުންޓަރަށް ނަންބަރުއެރުމުން ފުރިހަމަކޮށްފައިވާ ޚިދުމަތަށްއެދޭ ފޯމް އަދި ހުށަހަޅަންޖެހޭނެކަމަށް ("ހުށަހަޅަންޖެހޭ ލިޔެކިއުން" ބައިގައި) ބަޔާން ކޮށްފައިވާ ލިޔެކިއުންތައް ކައުންޓަރަށް ހުށަހަޅުއްވާށެވެ.
• ސޮއިއާއި އިނގިލީގެ ނިޝާން ދެއްވުމަށްފަހު، ހުށަހެޅި ލިޔެކިޔުންތަކުގެ އަސްލު ހޯއްދަވާށެވެ.
• ޚިދުމަތަށް ދައްކަންޖެހޭ ފީ ދެއްކުމަށްފަހު، ފައިސާދެއްކިކަމުގެ ރަސީދު ހޯއްދަވާށެވެ.
• ފޮޓޯ ނެންގުވުމަށްޓަކައި ނަން ގޮވަންދެން ލޮބީ ސަރަހައްދުގައި މަޑުކޮށްލައްވާށެވެ.
• ފޮޓޯނެންގެވުމަށްފަހު ދިވެހި ރައްޔިތެއްކަން އަންގައިދޭ ކާޑު ބައްލަވައި ވަޑައިގަތުމަށް ދަންނަވާ ނޯޓް ގައިވާ ގަޑިއަށް ދުރުވެ މައޫލޫމާތުކައުންޓަރާ ހަވާލުކުރުމުން ނަމްބަރެއް ދޫކުރާނެއެވެ.
• ކާޑުދޫކުރާކައުންޓަރުން ނަމްބަރު އެރުވުމުން އެކައުންޓަރަށް ދުރުވެ ނަމްބަރު ޙަވާލުކުރުމުން ކާޑު ލިބޭނެއެވެ.

:އަތޮޅުތަކުގެ ކަލެކްޓިންގ ޕޮއިންޓުންނަމަ

• ފުރިހަމަކޮށްފައިވާ ޚިދުމަތަށްއެދޭ ފޯމް އަދި ހުށަހަޅަންޖެހޭނެކަމަށް ("ހުށަހަޅަންޖެހޭ ލިޔެކިއުން" ބައިގައި) ބަޔާން ކޮށްފައިވާ ލިޔެކިއުންތައް ކަލެކްޓިންގ ޕޮއިންޓަށް ހުށަހަޅުއްވާށެވެ. ސޮއިއާއި އިނގިލީގެ ނިޝާން ދެއްވުމަށްފަހު، ހުށަހެޅި ލިޔެކިޔުންތަކުގެ އަސްލު ހޯއްދަވާށެވެ.
• ދިވެހިރައްޔިތެއްކަން އަންގައިދޭ ކާޑު ތައްޔާރުވުމުން ޑީ.އެން.އާރުއިން ކަލެކްޓިންގ ޕޮއިންޓަށް އެކަންއަންގާނެއެވެ. އަދި އެމަޢުލޫމާތު ރަށުއޮފީސްތަކަށް ވެސް ފޯރުކޮށްދެވޭނެއެވެ. ވީމާ ޚިދުމަތަށް އެދިވަޑައިގެން ކަލެކްޓިންގ ޕޮއިންޓާ ނުވަތަ ރަށުއޮފީހާ ގުޅުއްވައިގެން ކާޑު ނިމުނު ކަމުގެ މަޢުލޫމާތު ހޯއްދަވާށެވެ.
• ޑީ.އެން.އާރުއިންނާއި ރަށުއޮފީހުންވެސް ކާޑު ލިބޭނެގޮތް ހަމަޖެހިފައިވުމާއިއެކު މާލެއިން ކާޑު ހޯއްދަވަން ބޭނުންފުޅުނަމަ ޑީ.އެން.އާރުއަށް ވަޑައިގެން ނުވަތަ ކާޑާ ހަވާލުވާނެ ފަރާތެއް ބަޔާންކުރާ ލިޔުމަކާއެކު އެމީހަކު ފޮނުއްވަވާށެވެ. އަދި ރަށުން ކާޑާ ހަވާލުވުމުގައިވެސް މިދެގޮތުން ކުރެގޮތެއް ޚިޔާރު ކުރެއްވިދާނެއެވެ.
• ކާޑާ ހަވާލުވުމަށް ރަށުއޮފީހަށް ޙާޒިރުވުމަށް އަންގާފައިވާ ދުވަހު އެއޮފީހާށް ޙާޒިރުވެ ކާޑާ ޙަވާލުވެވަޑައިގެން ކާޑު ލިބިވަޑައިގެން ކަމުގެ ސޮއިކުރައްވާށެވެ.

ހުށަހަޅަންޖެހޭ ލިޔެކިޔުން

• ފުރިހަމަކޮށްފައިވާ "ދިވެހިރައްޔިތެއްކަން އަންގައިދޭ ކާޑު ހެދުމަށް އެދޭ ފޯމު".
• އުފަންދުވަހުގެ ސެޓްފިކެޓް (އަސްލު).
• މާލޭގެ ރައްޔިތެއްނަމަ ގޭގެ ރަޖިސްޓްރީ. (އަސްލު)
• މާލޭ މުނިސިޕަލްޓީ ދަފްތަރުގައި ރަޖިސްޓްރީކޮށްފައިވާނަމަ ދަފްތަރު ސެޓްފިކެޓް (އަސްލު).
• ޕާސްޕޯޓް (ހަދައިފައި އޮތްނަމަ އަސްލު).
• ޑިޕާޓްމަންޓް އޮފް ނެޝަނަލް ރެޖިސްޓްރޭޝަންއިން ވޭތުވެދިޔަތާގައި ދީފައިވާ އެއްވެސް ލިޔެކިޔުމެއް.
• ކާޑުގައި ލޭގެ ގްރޫޕް ލިޔެވިފައޮތުމަށް ބޭނުންނަމަ، ލޭގެ ރިޕޯޓް (އަސްލު).

ފީ

• ނެތް

އިތުރު މަޢުލޫމާތު

• ކާޑަށް ބޭނުންވާ ފޮޓޯ ނަގާނީ ޑިޕާޓްމަންޓް އޮފް ނެޝަނަލް ރެޖިސްޓްރޭޝަންއިންނެވެ. ނަމަވެސް އުމުރުން 10އަހަރުން ދަށުގެ ކުއްޖަކަށްވެފައި ޑިޕާޓްމަންޓް އޮފް ނެޝަނަލް ރެޖިސްޓްރޭޝަންއަށް ހާޒިރުނުވެވޭ ހާލަތުގައި ވޭތުވެދިޔަ 1 މަސްތެރޭގައި ނަގައިފައިވާ ޕާސްޕޯޓް ސައިޒުގެ ފޮޓޯއެއް ހުށައެޅިދާނެއެވެ. މިފޮޓޯގެ ފުރަގަހުގައި ހުންނަންވާނީ ހުސް ހުދު ކުލައެވެ.
• އަތޮޅުތަކުގެ ކަލެކްޓިންގ ޕޮއިންޓަށް މިޚިދުމަތަށް އެދޭ ފޯމު ހުށަހެޅިނަމަވެސް، މާލޭގައި ހުންނަ ޑިޕާޓްމަންޓް އޮފް ނެޝަނަލް ރެޖިސްޓްރޭޝަންއިން ކާޑު ބަލައިގަނެވޭނެގޮތް ހަމަޖެއްސިދާނެއެވެ.
• ދިވެހިރައްޔިތެއްކަން އަންގައިދޭ ކާޑު ހަވާލުވާން ދާ ފަރާތަކީ ކާޑުގެ ވެރިފަރާތް ނޫންނަމަ، އެފަރާތުގެ ދިވެހިރައްޔިތެއްކަން އަންގައިދޭ ކާޑާއި ކާޑު ބަލައި އަންނާނެ ދުވަހާއި ގަޑި ބަޔާންކޮށްފައިވާ ސްލިޕްކޮޅު ގެންނަންވާނެއެވެ.